Janeva në qendër të kritikave për shkak të marrjes në pyetje të Jankullovskës
Linku deri te artikulli origjinal: Јaneva i realizon urdhërat – filloi t’i thirrë funksionarët dhe anëtarët e VMRO-DPMNE-së
Data dhe koha e publikimit: 06.02. 2017 , 12:51
Data e recensionit: 07.02.2017
Recensues: Аleksandar Peshev
KONSTRUKSION SPINUES
Artikulli fillon në mënyrë komentuese, ndërsa lajmi prezantohet në fjalinë e tij të tretë:
“Ish-ministresha për punë të brendshme, Gordana Jankulloska sot u morr në pyetje në Prokurorinë speciale publike (PSP)”.
Në vend që kjo të merret si fjali hyrëse, teksti në fillim bën konstruksion spinues:
“Prokurorja speciale publike, Katica Janeva vazhdon t’i realizojë urdhërat e dhëna nga LSDM-ja dhe Zoran Zaevi”.
Në mungesë të fakteve, mbetet e paqartë se prej ku janë siguruar dëshmi për pohimin e këtillë dhe se a është përputhja e këtij pohimi me disa segmente të qëndrimeve partiake të VMRO-DPMNE-së është koincidencë e pastër?
Pas prezantimit të detajuar të qëndrimit të ish-ministreshës, artikulli i referohet analizës së një medieje tjetër, pa pasur përpjekje të dukshme për ta verifikuar vërtetësinë e pohimeve.
Dyshimi për anshmërinë politike përforcohet me plotësimin e komenteve të një medieje tjetër me komentet e veta:
“Qëllimi është përsëri të njolloset VMRO-DPMNE-ja, dhe t’i hidhet një kockë mediave që janë nën kontrollin e LSDM-së/Sorosit me çka do të zvogëlohej presioni mbi Zaevin për mosrealizimin e skenarit”.
PYETJE TË PAPËRGJIGJURA
Përsëri mbeten të papërgjigjura një sërë pyetjeshm që, poashtu, flet për joprofesionalizmin e publikimit:
- Si është konstatuar se ka qëllim që të njolloset partia?;
- Cilat janë mediat e përmendura dhe si është konstatuar se janë nën kontrollin e LSDM-së dhe të Soros-it?;
- Ku janë dëshmitë për skenarin e pretenduar, për të cilin akuzohet lideri i LSDM-së?
Në pjesën e dytë të tekstit janë transmetuar deklaratat e njerëzve, të cila, siç thuhet, janë thirrë në Prokuroinë speciale publike. Mirëpo, nuk tregohet në mënyrë precize se pse janë thirrë, është e paqartë se mos ndoshta bëhet fjalë për persona të dyshuar, ose, siç mund të supozohet, bëhet fjalë për donatorë të VMRO-DPMNE-së, për të cilët shkruan një pjesë mediave.
Marrë në përgjithësi, kemi një publikim të njëanshëm politik me elemente të qarta të spinit, me të cilin sulmohet Prokuroria speciale publike dhe LSDM-ja.
Ky recension është përgatitur në kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).
