Ndodh edhe kjo, fermë për rritjen e qenve në oborrin e shkollës në Strugë

Qen të rrezikshëm ruhen nga një person në oborrin Shkollës Fillore Josip Broz Tito në Strugë. Pranë këtij vendi çdo ditë kalojnë nxënësit, prindërit dhe mësuesit, ndërsa në oborrin e shkollës mbahen edhe orë të edukatës fizike, shkruan Alsat-M.

Nxënësit thonë se në oborr kundërmon erë e keqe dhe se kanë frikë. Personi i cili përkujdeset për shtatë qentë e tij, thotë se nuk janë të rrezikshëm. Ai pretendon se oborri i Shkollës është pronë e tij. Një pjesë ku janë vendosur qentë i është kthyer, ndërsa për pjesën tjetër është ankuar në gjykatën e Strasburgut.

Nga komuna e Strugës thonë se disa herë në vitet e fundit kanë kërkuar që me ndihmën e policisë ose me ndihmën e inspektoratit komunal dhe shtetëror ti largojnë qentë. Por asnjëri nga autoritetet kompetente nuk ka ndërmarrë masa.