Ohër, dy persona ia marrin 1.000 euro një pesëdhjetë vjeçarit

Dy persona tani për tani të panjohur për policinë dje kanë kryer vepër penale “mashtrim” në Ohër. Dy personat në moshë rreth viteve të pesëdhjeta, dje rreth orës 10:30 në rrugën “7 Nëntori” kanë hasur një banor të Ohrit nga i cili kanë arritur të marrin njëmijë euro.

Sipas kumtesës nga SPB Ohër, pasi që ka filluar biseda me personin e dëmtuar, njëri nga dy personat i ka thënë se personi tjetër është shtetas i Izraelit i cili ka pasur fatkeqësi komunikacioni në Ohër për ç’arsye është dashur urgjentisht të paguajë dëmshpërblim. Më pas, ai nga qytetari më i moshuar i Ohrit ka kërkuar t’i ndihmojë të huajit dhe t’i japë para për pagesë të dëmshpërblimit, duke i ofruar si peng një orë dore për të cilën ka thënë se është me vlerë prej 4000 eurove.

Duke besuar në atë që i është thënë dhe me dëshirë për t’i ndihmuar të huajit, qytetari i Ohrit i ka dhënë njëmijë euro me pritjen se pasi që ta paguajë dëmshpërbliminj, të dy personat do të kthehen dhe do t’ia kthejnë borxhin.

Pas paraqitjes së marrë nga i dëmtuari, SPB – Ohër ndërmori masa për gjetjen e kryesve. Me atë rast, qytetarëve të Ohrit u bëhet thirrje që të kenë kujdes gjatë bisedave me të panjohur, të mos bien pre e arsyetimeve të këtilla dhe rastet e mundshme të ngjashme menjëherë t’i paraqesin në stacionin policor apo në numrin e policisë 192.