LETRA
Do marr letra udhë, si shpend
në zjarr kalitur
mbi petalet e tua do të
përkëdhel me dashuri
në letër është sekreti im!
I skëterrshëm e imja e panjollosura bardhësi.
Aty rrëfehet bota e shpirtit të padukur
aty rrëfehet brenga për të qenë
skllav për ty !
Me penë në dorë si pulëbardhë
e plagosur
kështjellën e ëndrrave ta shemb …
në një shtegtim
E kur dielli perëndon, djeg rretë
e shpirtit përpara botës,
midis shkëmbinjve blu …!
shfaqet hëna e kristaltë
e vjeshtës së ngadaltë
nën muzgun e qetësisë
duke të ëndërruar ty.
Do të shkruaj unë,
do të shkruaj gjaku im
me dy flatra të forta
dhe një adresë të ndritur.
Poezia “Letra” fitoi çmimin e parë në konkursin letrar: Sefer Selimi – Pallati i Kulturës, Gostivar. Autore është studentja dhe poetesha nga Tetova: Ermira Selami.