LSDM: VMRO-DPMNE të ndalojë me trysninë ndaj KSHZ-së
“LSDM nuk do të kryej trysni ndaj Komisionit Shtetëror Zgjedhor (KSHZ) dhe do t’i respektojë procedurat e komisionit që të mbarojë puna në bazë të ligjeve”, thuhet në kumtesën e LSDM-së, njofton Portalb.
Nga atje apelojnë që VMRO-DPMNE-ja të ndalojë me “keqpërdorimin e administratës lokale dhe shtetërore, me sjelljen e protestave dhe kundër-protestave dhe kështu të kryej trysni dhe t’i prejudikojë vendimet e KSHZ-së.
“Mu kjo praktikë e qytetarëve i solli deri në humbje, por për fat të keq, humbja nuk i solli në mend dhe vazhduan që ta bëjnë të njëjtën. Qytetarët të jenë të kujdesshëm dhe të përmbahen dhe ta ndjekin punën e KSHZ-së dhe vendimet e tyre”, shtojnë nga LSDM. /Portalb
