Tereza Mej: Tani është me rëndësi si do të jenë marrëdhëniet tona të reja me BE-në

Kryeministrja britanike Tereza Mej deklaroi sot se çështja kyçe rreth negociatave për Bregzit, nuk është si dhe çfarë do të mund të fitohet, por si do të jenë “marrëdhëniet e reja të Britanisë” me BE-në, e kjo nuk i dedikohet vetëm çështjes së tregut vetëm.

Mej, e cila gjendet për vizitë pune në Bahrein, në takimin me gazetarët britanik, ka refuzuar t’i komentojë deklaratat e dy ministrave britanikë, të cilët secili për vete, zbuluan se Britania do të vazhdojë me pagesën e buxhetit të BE-së dhe pas daljes nga Unioni.

Ministri për Bregzit, Djevid Dejvis, si dhe shefi i Forin Ofisit Boris Xhonson folën për perspektivën e tillë, si mundësia të qëndrojnë në tregun e vetëm të BE-së, transmeton MIA.

Deklaratat e tilla të të dy ministrave, të cilët ishin udhëheqës të fushatës për Bregzit , është prononcimi i parë publik se qeveria përcaktohet për Bregzit të but dhe për qëndrimin në tregun e vetëm.

Sipas rregullave të BE-së, një vend, i cili është jashtë Unionit, mund të ketë qasje të lirë deri te tregu i vetëm, në të cilin i plason pa asnjë tarifë doganore prodhimet e tij dhe shërbimet, duke vendosur shumë të caktuar të mjeteve në buxhetin e BE-së, por edhe duke i pranuar rregullat për qarkullim të lirë të fuqisë punëtore dhe të shtetasve të Unionit.

Reagimi i Mej vjen në kohën, kur Gjykata Supreme në Londër, nga e hëna është e hapur për procedurën për ankesën e qeverisë, me vendimin e Gjykatës Supreme e cila urdhëron që Parlamenti të konsultohet në mënyrë të obligueshme në procesin për Bregzit.

Tereza Mej dhe ministrat e saj antievropian insistojnë se Parlamenti dhe deputet nuk duhet të “përzihen” në këtë punë.