Limaj, kryetar i Iniciativës Qytetare

Aktakuza e re e EULEX-it për korrupsion ndaj Fatmir Limajt, nuk do ta ndalë atë që të formojë subjektin e ri politik.

Madje Limaj ka vendosur që të premten e ardhshme ta zyrtarizojë partinë e re bashkë me kryeparlamentarin Jakup Krasniqi, shkruan “Zëri”.

Tashmë është vendosur që Limaj të jetë kryetar i kësaj partie, e cila do të quhet Iniciativa Qytetare. Zyrtarizmi i këtij subjekti pritet të bëhet më 28 shkurt në orën 17:00 në një ceremoni solemne që do të mbahet në sallën e kuqe të Pallatit të Rinisë në Prishtinë.