Hakerët lëshuan ezane dhe pamje të Al-Aksës në televizionin izraelit

Sulmues të panjohur mbrëmë kanë kryer një sulm kibernetik duke marrë transmetimin në dy kanale të televizionit publik izraelit, raporton Anadolu Agency (AA).

Hakerët në televizionin izraelit Channel 2 dhe Channel 10 kanë lëshuar pamje të xhamisë Al-Aksa dhe në prapavi lëshuan zërin e ezanit dhe pastaj disa minuta lëshuan pamje të zjarreve që përfshinë disa qytete izraelite.

Mediat izraelite raportojnë se sulmi kibernetik është kryer në prag të seancës së sotme të parlamentit izraelit Knesset, ku ligjvënësit do të votojnë për projekt-ligjin i cili parashikon të fusë limit për thirrjen e ezanit në pjesën e vjetër të Jerusalemit.