Çfarë duhet të keni parasysh për tullumbacet me helium, mund të jenë shumë të rrezikshme

Një fëmijë 10 vjeç në Florida, Josh Vinciguerra, për pak është mbytur në pishinë ndërsa ishte duke thithur gazin e një tullumbaceje me helium. Pas pak kohësh nga ky veprim që duket i zakonshëm për fëmijët ai ka rënë në fund të pishinës. Prindërit e kanë nxjerrë me nxitim dhe fëmija është shtruar në spital.

“Kujtoj vetëm që po thithja helium dhe kaq”, ka thënë Josh.

“Diçka kaq e pafajshme dhe argëtuese mund t’i kushtonte atij jetën!”, ka thënë Marlene Vinciguerra. E ëma rendi drejt tij për ta nxjerrë nga uji, pa kuptuar çfarë ndodhi. Pas disa ditësh në spital, Josh rekuperoi. Megjithatë heliumi dhe pishina ishin një kombinim i rrezikshëm që ata nuk e prisnin.

Kur thithim helium pa pushim, në trup nuk hyn oksigjen dhe pas një farë kohe jeta vihet në rrezik.

Dozat e heliumit në organizëm nuk sjellin asnjë problem, por ato duhet të jenë të kombinuara me oksigjen, ose të kujtohemi të marrim frymë ajër para se të thithim përsëri.