PAE në koalicionin me LSDM-në
Partia për Ardhmëri Evropiane (PAE) sot kumtoi se është arritur marrëveshje për koalicionin parazgjedhor me LSDM-në dhe partnerët e tjerë të koalicionit.
PAE do të marrë pjesë në listat e koalicioneve për deputetë në Njësinë e dytë zgjedhore ku në pozitën me numër 15 për deputet do të propozohet Seadin Xhaferi, në Njësinë e pestë zgjedhore në pozitën 8 do të propozohet deputeti Alija Kamberoski dhe në Njësinë e gjashtë zgjedhore për kandidat për deputet në pozitën e 17-të do të propozohet Abdija Mersoski.
Vendimet e marrëveshjes së koalicionit do të verifikohen në seancën e Bordit qendror të PAE-së që do të mbahet të shtunën në Strugë.