Refuzohet ankesa e PSP-së për masa kujdesi për lëndën “Tenderë”
Këshilli gjyqësor pranë Gjykatës Themelore Shkupi 1 – Shkup e ka refuzuar ankesën e Prokurorisë speciale publike për përcaktim të masave të kujdesit kundër dy të dyshuarve në lëndën “Tenderë”.
Nga Gjykata Themelore sot kumtuan se është marrë vendim me të cilën ankesa e PSP-së refuzohet, ndërsa konfirmohet vendimi i gjykatësit në procedurë paraprake.
Me vendimin nga data 28.10.2016 gjyaktësi në procedurë parapake e ka refuzuar propozimin e PSP për përcaktimin e masave për kujdes kundër dy personave të përfshirë me lëndën “Tenderë”.
Rasti “Tenderë”-t, që e ka hapur PSP-ja ka të bëjë me kryerjen e punëve ndërtimore në Muzeun e luftës së Maqedonisë për shtetësi dhe pavarësi në Shkup.
