KB: Të paktën 239 migrantë kanë humbur jetën në fundosjen e dy anijeve në brigjet e Libisë
Agjencia për Refugjatë e Kombeve të Bashkuara ka bërë të ditur se 239 njerëz janë mbytur në brigjet e Libisë.
Zëdhënësja e UNHCR-së në Itali, Karlota Sami, deklaroi se 31 të mbijetuar nga dy anije, të cilët kanë arritur në ishullin italian Lampedusa të enjten, kanë njoftuar për fundosjen e anijeve të tyre.
Sami tha se të mbijetuarit kanë raportuar për 239 veta të zhdukur.
Shumica e njerëzve në bord duket se kanë qenë nga rajoni i Afrikës nën-Sahariane.
Mbi 4.220 migrantë kanë vdekur këtë vit duke kaluar rrugën e rrezikshme nëpër Detin Mesdhe.
