Konstruksioni pa bazë mund vetëm të bjerë
[Recension: “Zhurnal”: U arrit marrëveshje për ndërrimin e Zaevit pas zgjedhjeve (FOTO)]
Si t’i besoni kësaj informate, kur nuk ka asnjë element ku mund ta bazoni besimin tuaj. Fotografi të këtilla ka sa të duash në rrjetet sociale. I kanë “huazuar” dhe kanë shkruar një “lajm”. Mbetet vetëm dikush t’i besojë lajmit të tillë.
Nuk ndihmon as ajo që “lajmi” është marrë nga një portal tjetër. Jo vetëm që nuk ka link deri te përmbajtja burimore, por me kërkim ajo nuk mund të gjendet as në portalin prej të cilit thuhet se është marrë.
Kështu, gjëja e vetme që e ka artikulli që e recensojmë janë indikacionet e shumta se bëhet fjalë për spekulim dhe për konstruksion.
Linku deri te artikulli origjinal: “Zhurnal”: U arrit marrëveshje për ndërrimin e Zaevit pas zgjedhjeve (FOTO)
Data dhe koha e publikimit: 29.10.2016 – 12:15
Data e recensionit: 01.11.2016
Recensues: Zoran Bojarovski
KONSTRUKION ME NGJYRIM “PËRGOJUES”
Nuk është theksuar asnjë burim preciz që të mbështetet gjithë ajo që thuhet në tekst. Mungon edhe shprehja të cilës “i ka dalë ngjyra” – “kuptojmë nga burime nga rruga e Bihaqit” apo variacione të saj. Shkruan vetëm “Siç kupton ’Zhurnal’-i…”
Dhe çka kupton? Një listë me konstruksione me ngjyrime “përgojuese”, të cilave, që t’u besoni, ju nevojiten shkathtësi të jashtëzakonshme.
Nëse e përjashtojmë mosekzistimin e burimeve për këtë lajm, janë shkelur edhe së paku dy nene të Kodit të gazetarëve. Si e para, është shkelur neni 13, i cili parasheh që të bëhet dallim ndërmet fakteve dhe mendimeve, ndërmjet lajmit dhe komentit.
Gjithsesi, disi rregullisht, ky lloj i konstruksioneve e shkelin edhe nenin 14 i cili insiston që raportimi nga proceset politike të jetë i paanshëm dhe i balancuar, si dhe të sigurohet distancë profesionale nga subjektet politike.
Në vend të kësaj, para nesh kemi një përmbajtje të anshme dhe politkish të padistancuar mediatike, për të cilën nuk është me rëndësi se a ka burime dhe argumente për informatat e prezentuara.
Ky recension është përgatitur në kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).
