Kançeska – Mileska dhe Janakieski, do të merren në pyetje në Gjykatën Penale

Ministrja e Kulturës, Elizabeta Kançeska – Mileska dhe ish ministri i Transportit dhe Lidhjeve, Mile Janakieski, sot do të duhet të paraqiten në Gjykatën Penale në Shkup, për t’u marrë në pyetje te gjykatësi i procedurës parahetimore, njofton Portalb.

Të dy funksionarët e VMRO – DPMNE-së, janë të përfshirë, në dy rastet e reja të PSP-së “Tenderët” dhe “Toplik”, ndërkaq ashtu siç shkruajnë mediat, të njëjtët janë në cilësinë e të dyshuarve të parë.

PSP, për dy të dyshuarit ka kërkuar që t’u shqiptohet masë kujdesi dhe marrje të dokumenteve të udhëtimit. /Portalb