Etiopia në gjendje të jashtëzakonshme, arrestohen 1600 persona

Autoritetet e Etiopisë kanë arrestuar 1.600 persona, në tentim për të rritur sigurinë gjatë gjendjes së jashtëzakonshme, ka thënë për BBC-në një ministër i qeverisë etiopase, përcjellë Klan Kosova.

Sipas një komunikate të publikuar në Websajtin “FBC”, të dyshuarit janë arrestuar në rajonet Oromia dhe Amhara, në të cilat ka pasur shumë protesta së fundmi.

Etiopia shpalli gjendje emergjente pas një vale protestash të papara anti-qeveritare.

Në bazë të gjendjes emergjente, njerëzit mund të arrestohen pa urdhër arrest.