Para shpërbërjes Kuvendi i Maqedonisë ndryshon ministra

Në prag të shpërndarjes së kuvendit të Maqedonisë, kryeministri teknik Emil Dimitriev kërkon nga deputetët që të përzgjedhin një ministër të ri pa resor, përcjell Telegrafi Maqedoni.

Pasdite vonë, në kuvend ka ardhur një propozim për shkarkimin e Furkan Çako, ministër pa resor, ndërkaq në vend të tij, Dimitriev propozon Bejxhan Iljas.

Iljas është mjek, i punësuar në spitalin e Tetovës, megjithatë qeveria nuk bën asnjë sqarim për arsyen e shkarkimit të ministrit Çako.