Diplomatët e Turqisë kërkojnë azil në Gjermani
Të paktën tre diplomatë nga Truqia kanë këruar azil në qeverinë gjermane pas tentativës për grusht shtet më 15 korrik në Turqi, njoftoi korrespondenti i MIA-s nga Berlini.
Sipas informacioneve që i publikuan disa media gjermane, midis atyre që kanë kërkuar azil është edhe atasheu ushtarak në Amabsadën Turke në Berlin, nënkoloneli Ajhan Dagli, i cili pas tentativës për puç është zhdukur së bashku me bashkëshorten e tij.
Kërkesë për azil kanë parashtruar pasi që autoritetet turke e hoqën validitetin e qindra pasaportave diplomatike në tentativë që të izolojnë diplomatët e dyshuar për lidhje me krahun ushtarak të armatës turke e cila tentoi që të ndërmarrë pushtetin në Turqi.
Ankaraja i ka shpallur si të pavlevshme pasaportat e tetë dimplomatëve të saj në Gjermani, ndërsa bartësit i ka ngarkuar me dyshimin për lidhje me organizatën e Fetullah Gjulenit të cilin Erdogani e konsideron si organizator për tentativën për grushtin e shtetit.
Mediat gjermane citojnë burime qeveritare të cilat nuk përjashtojnë që numri i këkuesve të azilit midisi diplomatëve të Turqisë në Gjermani mund të jetë edhe më i madh nga tre të cilat deri tani janë konfirmuar.
Sipas Agjencisë Federale për Emigracion dhe Refugjatë, diplomatëve të Turqisë ende nuk i është dhënë përgjigje nëse do të marrin azil, sepse për vendimin do të nevojitet një periudhë më e gjatë, shkruan gazeta “Zi Doçje Cajtung” e cila konfirmon se Turqia ende hesht për diplomatët e saj të cilët kanë imunitet nga deportimi.
Një pjesë e mediave gjermane presin që Turqia të parashtrojë kërkesë nga Gjermania që të deportojë diplomatët e saj, të cilët sipas Ankarasë janë shkelës të ligjit, me çka pritet sërish përkeqësimi i marrëdhënieve midis dy vendev.