Ohër, sezoni turistik përfundoi me rënie

Rezultate të dobëta kanë shënuar punëtorët turistik nga Ohri dhe Struga gjatë këtij sezoni në Maqedoni. Ata thonë se anulimet e prenotimeve gjatë muajve maj dhe qershor për shkak të krizës politike dhe krizës së refugjatëve kanë ndikuar negativisht.

Kërste Blazheski, kryetar i asociacionit të hotelierëve në Maqedoni thotë se ky sezon do të shënohet si një nga më të dobëtit në 4 apo 5 vitet e fundit. Në Ohër dhe Strugë turistë do të ketë deri në mes të tetorit, deri kur do të qëndrojnë turistët nga Holanda, Belgjika dhe Izraeli, transmeton Alsat M.