Përhapja e palejueshme e panikut nga muhabete të paverifikuara në Facebook

Ky publikim as që mund të quhet artikull gazetaresk, për shkak se nuk ka asnjë vlerë shtuese nga këndvështrimi gazetaresk, por paraqet kopje të plotë të një statusi të publikuar në rrjetet sociale, pa pasur asnjë mbështetje për të.

Linku deri te artikulli origjinal: Теori: Të punësuarit në muzeun e Maqedonisë vdesin me të madhe?!

Data dhe koha e publikimit: 10.07. 2016

Data e recensionit: 18. 09. 2016

Recensues: Dimitar Tanurov

I ashtuquajturi artikull është publikuar në kategorinë “Jeta”, e cila sipas seriozitetit dhe peshës së saj lejon shmangie nga standardet e gazetarisë. Megjithatë, edhe për këto informata ka rregull për shkruarjen e tyre. Gjuha ndoshta nuk është patjetër të jetë letrare, lejohet edhe të shprehur më i lirë, mirëpo, ai megjithatë duhet t’i respektojë standardet. Në këtë rast, publikimi thjesht është kopjuar nga rrjeti social “Facebook” dhe gjatë kësaj as që është bërë konvertim prej shkrimit latin në atë cirilik, gjë që është e palejueshme edhe për një blog, e lëre më për një medie që pretendon të paraqitet si serioze.

Vdekshmëria në Muzeun e Maqedonisë arrin përmasa frapante (sot ka varrim të ri). Njerëz të rinj ( të 1960-ës, 67-ës, 74-ës) vdesin çdo disa muaj! Numri i të sëmurëve nga kanceri i tejkalon të gjitha mesataret lokale dhe ndërkombëtare – dhe si duket askush nuk mërzitet! Kjo nuk ka lidhje me politikën për shkak se zgjat një kohë të gjatë – dhe eskalon!

Nga aspekti përmbajtësor, publikimi përmban mendim personal të një njeriu për të cilin, sipas publikimit dhe komenteve të bëra mund të supozohet se është i punësuar në Muzeun e Maqedonisë. Megjithatë, edhe kjo është vetëm supozim, askund nuk është theksuar se kush është ky njeri dhe pse është me rëndësi të publikohet mendimi i tij. Njëkohësisht, në publikim ka vetëm informata paushalle, pa asnjë mbështetj. Të dhënat e këtilla shkaktojnë panik. Detyrë e gazetarit është që të dhënat e këtilla t’i mbështesë me fakte adekuate që do të dëshmonin ndonjë lidhshmëri të Muzeut të Maqedonisë me rastet e vdekjes.

Publikimet e këtilla nuk e kanë vendin në medie, e as në bloge, para së gjithash për shkak se paraqesin vetëm dezinfomim të publikut, shkaktim të panikut edhe atë vetëm për një qëllim, rritje të vizitueshmërisë së medies.

Artikulli i shkel disa nene të Kodit të gazetarëve:

Neni 1

Gazetari duhet të botojë informata të vërteta e të konfirmuara dhe nuk do të fshehë të dhëna esenciale e as nuk do të falsifikojë dokumente. Në qoftë se informata nuk mund të konfirmohet, ose nëse bëhet fjalë për supozim, respektivisht spekulim, kjo gjë duhet cekur dhe botuar. Saktësia e informatës duhet të vërtetohet sa më shumë që është e mundur.

Neni 7
Gazetari duhet të respektojë jetën private të njeriut, përveç në rastet kur kjo është në kundërshtim me interesin publik.
Gazetari e ka për detyrë të respektojë dhimbjen dhe zinë personale.

Neni 13

Gazetarët duhet të bëjnë dallim ndërmjet fakteve dhe mendimeve, ndërmjet lajmit dhe komentit.

 

Ky recension është përgatitur nga kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).