Vdekja e Selim Muçës, Rama: Lider i butë, por i vendosur

Kryeministri Edi Rama ka reaguar pas ndarjes nga jeta të ish-kreut të Komunitetit Mysliman Shqiptar, Selim Muça.

Sipas Ramës, Muça ishte një njeri i butë, por shumë i vendosur në atë që bënte.

“Selim Muça e udhëhoqi për shumë vite Komunitetin Musliman Shqiptar, me urtësinë e kthjelltësinë e një lideri të bute por të vendosur, në mbrojtjen e esencës paqësore të porosive të Profetit dhe të thesarit të bashkëjetesës harmonike mes feve në Shqipërinë tonë.

E paç siç e ke ëndërruar udhëtimin pas ndarjes nga kjo botë, miku im i respektuar Selim Muça”, thuhet në mesazhin e bërë publik në Facebook nga kryeministri Edi Rama, transmeton Syri.net