Tetovë, ndërroi jetë veteranja e arsimit Sanie Sadiku-Muhidini

Pas një sëmundje të rëndë në moshën 86 vjeçare ka ndërruar jetë në Tetovë veteranja e arsimit shqip, Sanie Sadiku-Muhidini, njofton Gazeta Koha.

Ajo ishte mësuesja e parë në Kumanovë dhe më pas në Tetovë, duke dhënë kontribut të jashtëzakonshëm në arsimimin e gjeneratave të reja dhe në kulturën shqiptare në përgjithësi.

Varrimi i të ndjerës do të bëhet të martën pas faljes së namazit të drekës, kurse funerali do të niset nga xhamia Gam-Gam për në varrezat e qytetit.