Mobilizim militant mediatik
[Recension: Brigada e 113-të të cilën e mbështet Zaevi, filloi me mobilizim në Kosovë]
Para nesh kemi një shembull tipik për kornizim manipulativ, gjegjësisht vendosje të një përmbajtjeje mediatik në kontekst, me çka ajo fiton një domethënie krejtësisht tjetër nga kuptimi i saj autentik.
Në këtë rast, përmbajtja është një informatë krejtësisht e parëndësishme, memorabilie për aktivitetet e UÇK-së në Kosovë në vitin 1999, ndërsa korniza janë zgjedhjet e jashtëzakonshme parlamentare në Republikën e Maqedonisë.
Domethënë, ditën kur filloi numërimi i 100 ditëve deri në zgjedhjet e jashtëzakonshme parlamentare, media ka zgjedhur të kornizojë një informatë se cila është përcaktuar esencialisht në titull “Brigada e 113-të të cilën e mbështet Zaevi, filloi me mobilizim në Kosovë” që të shkaktojë shqetësim, frikësim të qytetarëve nga njëra anë, dhe nga ana tjetër të publikojë se kundërshtari politik i pushtetit aktual, lideri i opozitës, në zgjedhjet e ardhshme ka mbështetje nga “armiqtë e motshëm” të maqedonasve – shqiptarët e organizuar në formacion ushtarak.
A kemi argumente që ta arsyetojmë këtë “shkatërrim” të kornizës? Kuptohet. Shkojmë me radhë.
Linku deri te artikulli origjinal: Brigada e 113-të të cilën e mbështet Zaevi, filloi me mobilizim në Kosovë
Data dhe koha e publikimit: 02.09.2016, 15:07
Data e recensionit: 05.09.2016
Recensues: Zoran Bojarovski
FACEBOOK-U DHE POSTIME NË BLOG SI “DËSHMI”
Si e para, përmbajtja mediatike nuk ofron asnjë link që të bindemi në autenticitetin e pohimeve të paraqitura në teskt – se në Kosovë mobilizohen njësi paramilitare, pjesëtarë të mëparshë të UÇK-së. Теksti i referohet një publikimi në një blog maqedonas në internet, që është burim aspak relevant dhe veprim joprofesional.
Si e dyta, në tekstin të cilit i referohet kjo përmbajtje mediatike, si burim përmendet faqja në Facebook e një ish-pjesëtart të UÇK-së, Mujë Krasniqi Legjend E Popullit Shqiptar, dhe nga kjo faqe janë kopjuar fotografi që duhet ta ilustrojnë mobilizimin dhe njëfarë paralajmërimi krejtësisht të paqartë të quajtur “21.pret bombë”. Konfzioni në asnjë mënyrë nuk artikulon ndonjë qëllim të qartë dhe të kuptueshëm.
EDHE “BURIMET” ASGJË NUK DËSHMOJNË
Aq më tepër, edhe kur do ta lexoni dhe do ta analizoni statusin konkret të cilit i referohet kjo informatë, nuk do të kuptoni asgjë që ka të bëjë me ndonjë lloj mobilizimi. Gjithçka që mund të kuptoni është se ai status evokon kujtime nga viti 1999 dhe nuk paralajmëron asnjë lloj aktiviteti aktual të atyre formacioneve paraushtarake. Kjo tregon se kemi shtrembërim të fakteve në kahe të përcaktuar paraprakisht, gjegjësisht spinim.
Ky është ai kornizim, që është përfshirë edhe me metodologjinë për mbikëqyrjen e prezantimit mediatik zgjedhor gjatë proceseve zgjedhore të Agjencisë për shërbime audio dhe audiovizuale, në pjesën e udhëzimeve për vlerësim kualitativ të raportimit gazetaresk, nga e cila aq shumë u frikësuan përfaqësuesit e pesë televizioneve nacionale. Pikërisht kornizimet e tilla, kontekstualizimet manipulative na presin në këtë periudhë.
Mirë është t’i dallojmë ato.
Ky recension është përgatitur nga kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).
