Kumanovë, SHKA “Mrika”, me kërkesën e tyre bllokuan seancën e Këshillit Komunal
Shoqata Kulturore Artistike e Kumanovës, “Mrika”, sot me vullnetin e disa qytetarëve zhvilluan aktivitetin e radhës, shpërndarjen e fletushkave, drejtuar veçanërisht këshilltarëve shqiptarë të Këshillit të Komunës së Kumanovës, që të sjellin në rend dite çështjen e paraleles në gjuhën shqipe të Shkollës Fillore të Muzikës “Pançe Peshev”, njofton Portalb.
“Fatmirësisht kjo kërkesë u aprovua nga të gjithë këshilltarët në seancën e sotme, ku edhe u ndërpre seanca për të kërkuar raport nga sektori i arsimit, në vazhdimësi presim prononcime nga individët legjitim të kyçur brenda këtij sistemi të iniciuar”, njoftojnë nga SH.K.A. “Mrika”.
