VMRO – DPMNE: LSDM asnjëherë nuk ka dashur media të lira
“Të kishte dashur LSDM, media të lira dhe korrekte, nuk do të kishte kërkuar që të emërojë kryeredaktor në Redaksinë Informative të RTVM-së”, reagojnë nga VMRO – DPMNE, njofton Portalb.
“Ra përralla me të cilën LSDM, shpalli akademikë fantazmë, ndërkaq në të njëjtën kategori i ka vendosur edhe Mirjana Najçevskën dhe Radmilla Sheqerinskën, bashke me 30.000 bashkëqytetarë tanë. Për ta mbuluar këtë turp të madh, LSDM, shpallë për ekspertë disa njerëz të cilët disa herë janë ngjitur në “Ladën” (automjet), e tyre nëpër protesta dhe njerëz të cilët në mënyrë të dhunshme u janë kërcënuar gazetarëve”, thuhet në kumtesën e VMRO – DPMNE-së.
Nga partia në pushtet, shtojnë se, trupi ad – hok për media, e ka mbështetjen e plotë të VMRO – DPMNE-së që ta zgjedhë kandidatin më të mirë. /Portalb
