KSHZ do ta shqyrtojë Raportin për votuesit e paraqitur në regjistrimet kontestuese
Komisioni Shtetëror Zgjedhor sot në seancë duhet që të shqyrtojë dhe miratojë Raportin për zbatimin e procedurës për paraqitjen e qytetarëve regjistrimet e të cilëve në Listën zgjedhore pas verifikimeve të bëra të kryqëzuara dhe në terren janë kontestues, respektivisht ka mospërputhje të të dhënave.
Afati për paraqitjen e votuesve kontestues në zyrat e KSHZ së edhe përmes ueb aplikacionit në faqen e interentit të Komisionit, përfundoi të premten. Paraqitja ka filluar më 26 qershor, ndërsa si kontestuese, ishtin publikuar emrat e 39.502 votuesve.
Deri në skadimin e afatiti, në Komsionin Shtetëror Zgjedhor janë parashtruar 8.922 denoncime. Prej tyre, 3.620 janë paraqitur në sektoret rajonale dhe në zyrtat dhe në zyrat plotësuese të KSHZsë, derisa 5.302 për tu paraqitur se kanë përdorur ueb aplikacionin.
KSHZ ka në dispozicion 10 ditë nga përfundimi i afatit që të bëjë kontrolle shtesë apo personalisht të kontaktojë me votuesit kontestues. Ata të cilët nuk janë paraqitur në afatin e parashikuar nuk do të regjistrohen në Listën zgjedhore, por do të kenë mundësi që ta bëjnë atë gjatë verifikimit publik të listës para zgjedhjeve parlamentare.