Roja bregdetare turke shpëton 12 migrantë në Detin Egje

Në një varkë të fundosur në Detin Egje, ekipe të rojës bregdetare turke kanë shpëtuar 12 persona, ndërsa kanë gjetur trupin e pajetë të një gruaje siriane, raporton Anadolu Agency (AA).

Migrantët, 15 prej tyre, në orët e mëngjesit nga Cesme në perëndim të Turqisë, u nisën me varkë drejt ishullit grek Chios. Varka jo shumë larg u përmbys, ndërsa migrantët kërkuan ndihmë nga roja bregdetare.

Ekipet pas arritjes në vendin e fatkeqësisë gjetën kufomën e një gruaje nga Siria, ndërsa arritën të shpëtojnë 12 migrantë prej disa vendeve.