Kryeministri australian i dhuron vetëm 5 dollarë lypësit, derisa në dorën tjetër mban një tufë parash (Video)

Një foto e kryeministrit australian, Malcolm Turnbull, po bën xhiron e rrjetit. Në të, kreu i qeverisë australiane shfaqet duke i dhënë 5 dollarë një lypësi.

Fotoja është shkrepur ndërsa kryeministri po shkonte në mbledhjen e Komitetit Ekonomik për Zhvillimin e Australisë në Melburn.

Fotoja u postua në rrjetet sociale nga një gazetare e “Guardian”, e cila shkruante: Shikoni dorën e djathtë të kryeministrit, më pas shikoni dorën e majtë. Besoj se nuk ka nevojë për koment”.

Turnbull duket në foto teksa i jep lypësit 5 dollarë, ndërsa në dorën tjetër mban një tufë me kartëmonedha, prerja e të cilave nuk dallohet mirë.

Shumë përdorues e kritikojnë për shumën e vogël që ka dhuruar, ndërsa në dorën tjetër mban shumë para. Ndërsa të tjerë e kanë akuzuar se e ka përdorur lypësin për t’i bërë vetes publicitet.

http://www.dailymotion.com/video/x4p6bmo_kryeministri-austiak_news