Titulli thotë një gjë, përmbajtja krejtësisht diçka tjetër
[Recension: “Hoxha bëhet pishman: Paskam gabuar me kritikat ndaj Ali Ahmetit!”]
Titulli është imazhi i gjithë lajmit, është tregues i përmbajtjes. Ai patjetër duhet të jetë i përshtatur përmbajtjes që prezanton. Shpeshherë, nga mediat bëhen keqpërdorime me titullin, me qëllim të tërheqjes së vëmendjes së lexuesit, por kjo nuk është etike.
Linku deri te artikulli origjinal: “Hoxha bëhet pishman: Paskam gabuar me kritikat ndaj Ali Ahmetit!”
Data e publikimit: 16.08.2016
Data e recensionit: 18.08.2016
Recensues: Fatlume Dervishi
Statuset në rrjetet sociale jo gjithmonë (në fakt, shumë me vëmendje dhe rezervë) mund të shfrytëzohen si burime informacioni, për shkak se jo gjithmonë mund të konsiderohen si relevante dhe të besueshme. Artikulli i shkruar nga INA dhe i huazuar nga “Tetova 1”, kanë marrë të plotë statusin e Xhezair Shaqirit, (komandant Hoxhës) nga rrjeti social Facebook, duke mos e komentuar atë në tekst, por duke e keqinterpretuar atë në titull.
Ashtu siç e kanë pasqyruar edhe më herët portalet, Shaqiri është i njohur për qëndrimet e tij kritike ndaj kreut të BDI-së, Ali Ahmeti, dhe si të tillë e njohin lexuesit. Por, kur qëndrimet e tij pasqyrohen me titullin “Hoxha bëhet pishman: Paskam gabuar me kritikat ndaj Ali Ahmetit”, kjo zgjon kuriozitetin e lexuesit.
“Mbasi qe krejt kane blere mish prej lopes se qartun dhe jane qart edhe une po ja nisi te konsumoj mish te qartun si te tjeret po them se A Ameti esht lider i Mir per shqiptaret e mk”, është shprehur Hoxha.”
Në fakt, prononcimi i Shaqirit nuk flet për pishmanllëk. Qëndrimi i tij është ironik dhe nënkupton që ai edhe më tej e ka po të njëjtin mendim.
Ja sqarimi i tij në statusin e postuar pak më vonë në facebook:
Rregullat e Kodit Etik të Gazetarëve të Maqedonisë vlejnë edhe për titullin, i cili po ashtu kërkohet që të jetë në suaza të objektivitetit dhe të përmbledhë pontën kryesore të lajmit.
Kodi Etik:
Tutulli ose paralajmërimi i kontributit patjetër të jetë në harmoni me përmbajtjen e tij.
Ky recension është përgatitur nga kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).
