Zhernovski sot në PSP për rastin “shuplaka”
Kryetari i komunës Qendër, Andrej Zhernovski sot të duhet të paraqitet në Prokurorinë Speciale Publike, për lëndën lidhur me Komunën Qendër.
Siç njoftojnë nga komuna, bëhet fjalë për “shuplakat e porositura ndaj Zhernovskit dhe për demolimin e barakave të komunës”.
“Siç dëgjohet në një prej bombave të opozitës, ish ministri Nikolla Gruevski, në bisedë me ish ministrin e Transportit dhe Lidhjeve, Mile Janakieski, porosit dhe merret vesh për protestë para Komunës Qendër për gjoja mbrojtjen e rrënimit të kishës së re, pas çka një pjesë e qytetarëve të sjellë duhet të futen në sallën e Këshillit, dhe, para të gjithë këshilltarëve dhe mediave, t’ia “lidhin” dy – tre shuplaka të forta kryetarit të sapozgjedhur të Komunës Qendër, Andrej Zhernovski”, thuhet në njoftim.
Për vandalizmin dhe demolimin e komunës, kryetari Zhernovski në disa shkresa deri tek ish ministrja e Brendshme, Gordana Jankulloska, kërkoi përgjigje për porositësit dhe kryerësit.
