Aksion i suksesshëm për pastrimin e Vodnos në Shkup
Lëvizja LEAD për herë të tretë realizoi aksionin për pastrimin e malit Vodno. Grupi i të rinjve të përkatësisë së ndryshme etnike u tubua në Vodnon e Mesme, nga e filloi aksionin për grumbullimin e mbeturinave, nën moton “Në xhep, nëse s’ka ku tjetër!”. Të rinjtë, të veshur me bluza me këtë moto, kishin përkrahjen edhe të qytetarëve të cilët gjendeshin në Vodno.
Krahas pastrimit të malit, aksioni ka për qëllim edhe ta ngrejë vetëdijen te qytetarët për ruajtjen e ambientit jetësor. Për këtë qëllim, grupi i aktivistëve do të ketë të veshur bluza me sloganin “NË XHEP, nëse s’ka ku tjetër”.
Projekti “NË XHEP, nëse s’ka ku tjetër!” përkrahet nga programi Civica Mobilitas.
Civica Mobilitas është projekt i Agjencisë Zvicerane për Zhvillim dhe Bashkëpunim (SDC), të cilin e zbaton NIRAS nga Danimarka, Qendra Maqedonase për Bashkëpunim Ndërkombëtar dhe Instituti Suedez për Administratë Publike dhe nga Sektori për Mbrojtjen e Ambientit Jetësor i Qytetit të Shkupit.
