Maradona i gatshëm të punojë pa para për Argjentinën

Pas dorëheqjes së Gerardo Martino, Federata Argjentinase e Futbollit është vënë në kërkim të një trajneri. E Diego Maradona kërkon rikthimin tek kombëtarja argjentinase.

“Paratë nuk janë gjithçka në jetë. Shpesh mediat më cilësojnë si trajner që kërkoj të paguhem shumë. Kjo nuk është e vërtetë”.

“Nëse më cilësojnë si të tillë nuk e di se ç’mund të thonë për trajner si Mourinho apo Ancelotti, por edhe shumë të tjerë. Dëshiroj shumë t’i rikthehem stolit të Argjentinës, të debatoj me gazetarët, të punojë me futbollistët”, tha Maradona.