Grabar Kitaroviq në Srebrenicë: Masakra u shkaktua nga politika serbomadhe
Presidentja kroate, Kolinda Grabar Kitaroviq, ka vendosur lule në memorialin kushtuar mbi 8 mijë viktimave të vrarë dhe masakruar nga forcat serbe në vitin 1995, me rastin e shënimit të 21 vjetorit të gjenocidit serb mbi popullatën muslimane.
“Me pikëllim i kujtojmë më shumë se 8 mijë viktimat e tragjedisë së Srebrenicës. Ky akt gjenocidial, i kryer në emër të programi politik serbomadh, duhet gjykuar moralisht, drejtësisht dhe politikisht. Obligimi ynë është kujtimi i viktimave të pafajshme, në ruajtjen afatgjatë të paqes, në mënyrë që tragjedi të tilla mos t’i ndodhin më askujt”, ka thënë presidentja kroate.
