Kapet shtetasi turk me dokumente të falsifikuara
Policia e Maqedonisë dje në pikën kufitare “Bogorodica” ka arrestuar shtetasin turk që dyshohet se ka falsifikuar dokumentet e udhëtimit, transmeton Portalb.
Shtetasi turk, B.R.A. (1963) nga Stambolli i Turqisë është kapur nga policia e Maqedonisë derisa po kalonte kufirin në “Bogorodica”. Pas kontrollit policia te personi ka gjetur dokumente të falsifikuara; letërnjoftimin dhe lejen e vozitjes.
Policia kufitare e ka dorëzuar turkun në stacionin policor të Vallandovës, ku po merren masat përkatëse.