Rusi, ceremonia e Bajramit u mbajt në xhaminë qendrore në Moskë (FOTO)

Kompleksi impozant i Xhamisë Qendrore në Moskë këtë mëngjes ishte shumë i vogël për të pranuar të gjithë muslimanët të cilët namazin e Bajramit e falën përgjatë rrugës dhe platosë përreth xhamisë, raporton Anadolu Agency (AA).

Ashtu si në pjesën tjetër të botës, muslimanët në Rusi sot shënuan Fitër Bajramin, kurse edhe kjo xhami mëngjesin e sotëm ishte shumë e vogël për të akomoduar të gjithë besimtarët për namazin e Bajramit.

Ceremonia qendrore e Bajramit është mbajtur në Xhaminë Qendrore të Moskës.

Disa rrugë rreth xhamisë edhe mëngjesin e sotëm ishin të vërshuar me besimtarë të cilët falën namazin e Bajramit.

Tërë ceremonia u shënua me masa të shtuara të sigurisë, ku të gjithë besimtarët para se të hynin në rrezen e xhamisë kalonin përmes kontrolleve të detyruara.

Presidenti rus Vlladimir Putin dhe kryemistri Dmitry Madvedev ua uruan Bajramin muslimanëve të Rusisë dhe të mbarë botës.