Kroaci, dy mijë besimtarë falin namazin e Bajramit në xhaminë e Zagrebit
Xhamia në Zagreb dhe këtë vit ishte e stërmbush për namazin e Bajramit, me lutjet e mëngjesit me të cilën u shënua fillimi i Fitër Bajramit, në të cilën ishin mbi dy mijë besimtarë nga Zagrebi dhe rrethina e tij, raporton Anadolu Agency (AA).
Edhe këtë vit brendia e xhamisë ishte e vogël për numrin e madh të besimtarëve të cilët kishin ardhur për të falur namazin e Bajramit. Kështu që namazi i Bajramit u fal në të gjitha hapësirat ndihmëse të Qendrës Islamike në Zagreb.
Në fillim u lexua letra e Reis-ul-ulemasë të Bashkësisë Islame të Bosnjë-Hercegovinës, Husein ef. Kavazoviç.
Namazit i priu muftiu i Xhamisë së Zagrebit, Aziz ef. Hasanoviç.
Radio Televizioni Kroat transmetoi direkt faljen e namazit të Bajramit nga xhamia e Zagrebit.
Besimtarëve edhe këtë vit, si deri më tani, në dalje nga xhamia Bajramin ua uroi kryebashkiaku i Zagrebit, Milan Bandiç.
Burrat para hyrjes së xhamisë blenin trëndafila të kuq, të cilat tradicionalisht në shtëpi ua dhurojnë nënave, grave dhe motrave. Kësaj radhe vëmendjen tërhiqte tezga me ëmbëlsira orientale.
