Presidenti Ivanov organizoi iftar në Vilën presidenciale Vodno
Presidenti Gjorgje Ivanov mbrëmë në rezidencën në Vilën Vodno, organizoi iftar me rastin e muajit të shenjtë të Ramazanit.
Duke folur para kryetarit të Bashkësisë Fetare Islame Reisul Ulema h. Sulejman ef. Rexhepi, myftitë, përfaqësuesit e jetës publike dhe politike, si dhe përfaqësues të bashkësisë së biznesit dhe sektorit civil, presidenti Ivanov theksoi se Republika e Maqedonisë e kultivon traditën shekullore të bashkjetesës dhe respektimit të ndërsjellë ku mbizotërojnë vlerat të cilat paraqesin “urën e afrimit” mes të gjithë qytetarëve të shoqërisë sonë multietnike, multigjuhësore dhe multireligjioze.
Ivanov të pranishmëve dhe të gjithë pjesëtarëve të besimit islam ua uroi muajin e shenjtë të Ramazanit.