David Cameron do të takohet me liderët e BE-së
Kryeministri i Britanisë së Madhe do të takohet me liderët e Bashkimit Evropian për herë të parë që nga votimi i Britanisë së Madhe për t’u shkëputur nga BE.
BBC njofton se Cameron do të diskutojë ndërlikimet e largimit të Britanisë nga BE, si dhe hapat e ardhshëm në Samitin e BE-së në Bruksel, përcjell Gazeta Express.
Liderët gjerman, francez dhe italian thanë dje se nuk do të këtë bisedime formale apo joformale për largimin e Britanisë në këtë fazë.
Ndërkohë, sekretari i Shëndetësisë, Jeremy Hunt, ka bërë thirrje për një referendum të dytë për kushtet e largimit të Britanisë.
Ai ka thënë se procesi i largimit duhet të shtyhet deri pak para zgjedhjeve të ardhshme – që do të thotë shtyrje deri pas vitin 2022 më së paku.
Ai është ministri i parë qeveritar që del publikisht të bëjë një thirrje të tillë.
