ISHTI kontrolle në bregdet për bombolat e gazit
Zona e bregdetit është në siten e kontrollit të inspektoriatit shtetëror teknik për këtë sezon. Të gjitha restorantet apo baret do të duhet të plotesojnë kushtet që kërkon përdorimi i bombolave të gazit, në të kundërt do të përballen me masa ndëshkuese.
Nga ana tjetër inspektoriati shtetëror teknik i bën thirrje edhe konsumatorëve familjarë që bombolat e gazit ti marrin vetëm në pikat e autorizuara, transmeton RTSH.
Ndërkaq, inspektoriati vijon kontrollet periodike në të gjithë territorin e vendit. Gjatë muajit Maj, inspektorët kanë gjobitur 19 subjekte, të cilat rezultuan në shkelje të ligjit.
