Lufta më e madhe e Muhamed Alisë ishte kundër sëmundjes së Parkinsonit
Ai i tregoi botës se si është të kesh sëmundjen dhe përsëri të jetosh me mirësi.
Përgjatë jetës së tij të paharrueshme, legjenda e boksit Muhamed Ali fuqishëm mbrojti zezakët, mbështeti lëvizjet anti-luftë dhe luftoi me sëmundjen e Parkinsonit.
Por, në kapitullin e fundit të jetës së tij, sëmundja e Parkinsonit filloi ngadalë ta mundë Alinë, transmeton Gazeta Express.
Pavarësisht se kishte këtë sëmundje, ai u bë frymëzim për miliona amerikanë të cilët janë të prekur nga kjo sëmundje.
Ai në Lojërat Olimpike të vitit 1996 doli në publik dhe foli për ndërgjegjësimin e sëmundjes së Parkinsonit në Atlanta, aty ku ai mbajti flakadanin Olimpik – pavarësisht se i dridheshin duart.
Për njerëzit me sëmundjen e Parkinsonit, kampioni i boksit dhe i kësaj sëmundjeje ishte Ali. Ai krijoi Qendrën e Parkinsonit “Muhamed Ali” në Arizona, ku mijëra pacientë trajtohen prej asaj dite aty.
Ali ishte fytyra e luftës së tyre kundër sëmundjes, e cila nuk ka shërim. Në videon më poshtë, pacientë të ndryshëm e përshkruajnë atë se si shembulli i Alisë i inspiroi ata që të vazhdojnë me terapitë dhe të mos humbin kontrollin e vetës.
“Ai është një luftëtar i madh – jo vetëm në ring por edhe në jetë”, thotë një grua në video. “Është një frymëzim për të gjithë ne”.