Kuçi: Patriotizmi politik i Ballkanit të zëvendësohet me atë ekonomik
Në Ballkan ndjenjat e patriotizmit duhet të ndërrohen me patriotizëm ekonomik, deklaroi ministri i Ekonomisë së Maqedonisë, Driton Kuçi në takimin e sotëm në Sofje me përfaqësuesit e kompanive anëtare të Odës tregtareindustriale bullgare, transmeton BTA.
“Në Maqedoni fillon erë e re, kriza politike përfundon dhe ajo do të mundësojë që marrëdhëniet ekonomike mes të dy vendeve të bëhen ende më të mira”, tha Kuçi.
Si sferë për bashkëpunim e potencoi procesin e harmonizimit të ligjdhënies së Maqedonisë me atë evropiane, në çka, ashtu siç citoi, mund të shfrytëzohen përvojat e Bullgarisë.
Kuçi tha se Bullgaria është partneri i pestë tregtar më i madh i Maqedonisë. “Klima e biznesit në Maqedoni është drejtuar drejt tërheqjes së investitorëve të huaj”, tha ministri i Ekonomisë së Maqedonisë. Ai shfaqi shpresë se do të hapë rrugë për investitorë të rinj nga Bullgaria, duke e potencuar “Minstroj”in si shembull të suksesshëm.
