Fraj: Qëllimi është në Maqedoni të ketë zgjedhje në një të ardhme të afërt
Njëri nga njohësit më të mirë të Maqedonisë dhe Ballkanit perëndimor në Bundestag deputeti Tornsten Fraj, konsideron se është e domosdoshme implementimi i Marrëveshjes së Përzhinos, ndërsa tërheqjen e abolimit nga ana e presidentit Ivanov e vlerëson si hap pozitiv.
Ai shton se qëllimi i të gjitha përpjekjeve është të mbahen zgjedhje në një të ardhme të afërt. Tani, sipas anëtarit me ndikim të Komisionit për politikë të jashtme të Bundestagut, gjithçka bie poshtë me pastrimin e listave votuese dhe pavarësisë së mediave.
Fraj kërkon vëmendje nga faktorët politik në Maqedoni dhe afrim të qëndrimeve mes VMRODPMNEsë dhe LSDMsë. “Ndonjëherë kam ndjenjë se disa punë mbahen nga ana e opozitës thjeshtë sepse anketat zgjedhore nuk premtojnë asgjë mirë”, thotë në deklaratë për korrenspondentin e MIAs nga Berlini Fraj, i cili është raportues i Komisionit për punë të jashtme të partisë qeveritare CDU/SCU.
Deputeti Fraj beson se Maqedonia duhet të marrë motivim dhe inkurajim, si dhe perspektiva të vërteta evropiane. Përgjegjësinë për atë që Maqedonia me vite nuk ka perspektiva të qarta ervropiane e sheh në Greqi e cila për shkak të interesave të saj kombëtare në problemin me emrin e fut tërë kontinentin.
