1 mijë litra naftë vidhen nga një shkollë të rrethinës së Tetovës
Vidhen 1.000 litra naftë për nxemje nga rezervuari i shkollës fillore “Sami Frashëri” në fshatin Pirok të Tetovës.
Sipas deklaratave të policisë, personat e panjohur gjatë vikendit të kaluar, e kanë thyer zinxhirin metalik të kapakut të rezervuarit dhe më pas e kanë nxjerrë naftën, me çka e kanë kthyer kapakun dhe zinxhirin në pozitën në të cilën e kanë gjetur.
“Dëmi material vlerësohet në rreth 59.000 denarë” bën të ditur zëdhënësi i Sektorit të Punëve të Brendshme (SPB) në Tetovë, Marjan Josifovski.