Mustafa: Kosova me hapa të fuqishëm në proceset eurointegruese
Kryeministri i vendit, Isa Mustafa ka thënë se Kosova po bën hapa të mëdhenj në avancimin e proceseve integruese evropiane.
Këto komente ai i bëri gjatë një takimi që pati sot me nënsekretaren e përgjithshme të Kombeve të Bashkuara, drejtoreshë ekzekutive e Zyrës së Kombeve të Bashkuara për Shërbime të Projekteve (UNOPS), Grete Faremo.
Gjatë takimit, Mustafa e falënderoi mysafiren për përkrahjen e dhënë nga mekanizmat e Kombeve të Bashkuara, duke përfshirë zhvillimin ekonomik, po ashtu edhe në kuadër të Programit të Korporatës së Sfidave të Mijëvjeçarit (MCC), e fusha të tjera.
Nga ana tjetër edhe zyrtarja e lartë e KB-së vlerësoi progresin në Kosovë.
Faremo uroi kryeministrin edhe për progresin në proceset integruese evropiane, duke ofruar përkrahje të mëtejme për Kosovën në këtë drejtim, transmeton Klan Kosova.