Administrata Amerikane do ta përgatisë Kosovën për NATO
Ambasadorja e Kosovës në SHBA, Vlora Çitaku nëpërmjet llogarisë së saj në Facebook ka dhënë një lajm pozitiv për Kosovën.
Ajo ka treguar se Kongresi Amerikan ka votuar unanimisht amendamentin, ku i bëhet thirrje Administratës Amerikane të përgatisë Kosovën për Partneritete për Paqe me NATO, transmeton Koha.net.
“Në kuadër të Defense Authorization Act, kongresi amerikan, mbrëmë me unanimitet votoi amendamentin ku i bëhet thirrje Administratës Amerikane që të përgatisë Kosovën për Partneritet për Paqe me NATO! #Friendship #Partnership #USA #Kosova”, ka shkruar Çitaku në llogarinë e saj në Facebook.
