Shkup, dështoi zgjedhja e kryetarit të Këshillit Gjyqësor

Ka dështuar tentimi për të zgjedhur kryetar të ri të Këshillit Gjyqësor. Dy kandidatët morën nga 6 vota ndërsa një votë u shpallë e pavlefshme.

Në përputhshmëri me rregulloren për punë në këso raste është e parashikuar përsëritja e procedurës për zgjedhje të kandidatëve. Edhe pse fillimisht anëtarët u pajtuan që të përzgjedhin përsëri, megjithatë u vendos që të caktohet seancë për të martën.

Kandidatë për president janë Lidija Kanaçkoviq dhe Zoran Karagjovski. Komisioni që duhet të zbatoj zgjedhjen ishte në përbërje: Mirjana Gocevska- Stefanovska, Bekim Rexhepi dhe Meri Dika- Georgievska. Përndryshe mandate i kryetarit aktual të Këshillit Gjyqësor, Branko Ushkovski ka skaduar më 21 prill të këtij viti.