Rregulla që duhet zbatuar kur parfumoseni!
Të gjithë e njohin ndjesinë e aromës së një parfumi hedhur në lëkurë. Është shkencërisht e vërtetuar që mbartja e aromës së mirë rrit vtevlerësimin tek njerëzit dhe i bën të ndihen më mirë, transmeton Living.
Por nëse mendoni se hedhja e parfumit është ndër gjërat më të thjeshta që mund të bëni gaboheni.
Më poshtë do të lexoni rregullat e arta të parfumosjes:
- Aplikoni krem hidratues pa aromë para se të lyheni me parfum. Kjo do të bëjë që parfumi të qendrojë më gjatë.
- Nëse ju doni që parfumet tuaja të zgjasin më shumë, pse jo? Ajo që duhet të bëni është t’i largoni parfumet nga tualeti apo nga vendet me lagështirë. Vendet e ngrohta do të ndikojnë negativisht në cilësinë e aromës së parfumit. Fare mirë mund t’i mbani parfumet në dhomën tuaj.
- Parfumosuni menjëherë pas dushit para se të visheni. Lagështia në lëkurën tuaj do të bëjë që parfumi të qëndrojë më gjatë.
- Mos fshini kyçet pasi i keni spërkatur me parfum .
- Spërkatja e një aromë me bazë alkooli direkt mbi flokët tuaj do t’i dëmtojë.
- Nëse doni të ndjeni aromën e një parfumi prisni deri sa të thahet.
