“Еkskluzive”: Muhabet çarshie!
[Recension: Еkskluzive: Gruevski dhe Çavkovi përgatisin arrestim të Zaevit dhe të njerëzve të tjerë nga opozita]
Kam ëndërruar diçka, më lejoni ta tregoj dhe ta plasoj si lajm ekskluziv. Çka tjetër mund të thuhet për këtë artikull? Ai nuk ka asnjë vërtetësi, vetëm senzacionalizëm.
Linku deri te artikulli origjinal: Еkskluzive: Gruevski dhe Çavkovi përgatisin arrestim të Zaevit dhe të njerëzve të tjerë nga opozita
Data dhe koha e publikimit: 08.04.2016
Data e recensionit: 13.04.2016
Recensues: Аna Anastasovska
LAMI “EKSKLUZIV” ËSHTË HEUQR NGA UEB-FAQJA
Titulli i tekstit është me të vërtetë senzacional dhe ju çon ta klikoni menjëherë dhe të lexoni se për çka bëhet fjalë. Mirëpo, kur do ta hapni tekstin, në fakt shihni se bëhet fjalë për muhabet çarshie, i mbështetur me formulimin “kupton redaksia jonë”. Domethënë, referohu burimeve anonime dhe ke tekst. Mirëpo, nuk është ashtu.
Lajmi, sipas standardeve profesionale gazetareske, duhet të konfirmohet nga së paku dy burime dhe gjithsesi të përmbajë deklarata me të cilat do të verifikohen informatat.
VMRO-DPMNE, gjegjësisht, Nikolla Gruevski dhe Mitko Çavkov në këtë moment përgatisin skenar për arrestimi e liderit të LSDM-së, Zoran Zaev dhe personave të tjerë nga opozita, kupton redaksia jonë.
Në tekst përmenden persona të caktuar dhe bëhet emërtimi i tyre me emër dhe mbiemër. Ajo që mungon, janë deklaratat nga të përmendurit, të cilët akuzohen se do ta arrestojnë Zoran Zaevin.
Siç thon burimet tona aksioni tashmë ka filluar, Çavkovi dhe Gligorovi nga departamenti për krim të organizuar janë nisur drejt stacioneve policore dhe me presione përpiqen t’i largojnë kryeshefat e MPB-së të vendosur nga ministri Spasovski.
Kjo, poashtu, ka mundur të verifikohet në MPB. Sigurisht atje do ta dinin nëse Çavkovi dhe Gligorovi janë nisur drejt stacioneve policore dhe i kanë maltretuar kryeshefat.
A i jep fund Marrëveshjes së Përzhinës Nikolla Gruevski me aksionin e sotëm mbetet të shohim brenda disa orëve të ardhshme?!
Në fund, si shllagu në torte, lihet lexuesi në paqartësi, të shohim se çka do të ndodhë në disa orët e ardhshme. Dhe e pamë. Теksti u hoq nga ueb-faqja, me çka gjithçka që ishte shkruar ra në ujë.
