Ristovska flet per vendimin e Ivanov

“Analizojmë vendimin e Ivanovit, nga i ka marrë informatat e fshehta për ta krijuar listën e të falurve”, kështu, zëdhënësja e Prokurorisë Speciale, Lençe Ristovska, e ka komentuar vendimin e 12 prillit të kryetarit të shtetit, Gjorge Ivanov, i cili i fali të gjithë politikanët, funksionarët dhe bashkëpunëtorët e tyre të cilët janë nën hetim, raporton Portalb.

“Pasi që procedurat tona janë të fshehta dhe nëse zbulojmë donjë që i ka dhënë këto të dhëna të fshehta ai/ajo do të jep llogari. Ne nuk e pranojmë vendimin e Ivanovit për asnjë që e ka falur” tha, Ristovska.

Ristovska shtoi se, PSP ka detyrë ligjore të vazhdojë me punë dhe nuk ka vend për brengosje dhe se ne do të vazhdojmë me punë dhe do të kërkojmë konfiskim të pasurisë së marrë ilegalisht nga personat në fjalë.

“Asnjë person nuk mund t’i ikë drejtësisë, do të jep llogari dhe do të kthejë atë që e ka marrë”, tha Ristovska