Zyberi: Kriza politike në vend si rrjedhojë e mosfunksionimit të shtetit ligjor
Kriza politike në vend është shkaktuar si rrjedhojë e mosfunksionimit të shtetit ligjor, demokracisë dhe pavarsisë institucionale.
Megjithatë, kriza politike më së tepërmi i atribohet shkeljeve të rënda ligjore dhe kjo krizë politike detyrimisht duhet të përfundojë me proces gjyqësor. Kështu vlerëson analisti politik, Naser Zyberi mbi rrjedhën e situatës politike në vend për RTVM2.
“Meqë faza e zhvillimit të krizës politike ka ardh para dyerve të gjyqësorit, normalisht që tash të gjitha shtizat thyhen rreth gjyqësorit, në përgjithsi prokuroria speciale, prokuroria e përgjithshme, gjykatat dhe në përgjithsi sistemi i jurisprudencës. Kuptohet që gjyqësori ka qenë në thumb të kritikave ndërkombëtare por duhet ta kemi te qart se ky gjyqësor është produkt i politikës”, tha Naser Zyberi, analist politik.
