Rama në SHBA, në delegacion Tahiri dhe Ahmetaj
Në udhëtimin zyrtar për në SHBA ku do të ketë një takim dhe me Presidentin Barak Obama, kryeministri Edi Rama do të shoqërohet nga dy ministra, ai i Brendshëm, Saimir Tahiri dhe ai i Financave, Arben Ahmetaj.
Për një periudhë të gjatë kohe kreu i qeverisë ka artikuluar se Rendi Publik dhe Financat kanë qenë dy fushat në të cilat janë ndier më shumë arritjet e qeverisë, raporton Javanews.
Këto dy ministri, nga ana tjetër, kanë qenë edhe në fokusin kryesor të reformave të realizuara nga qeveria e koalicionit të majtë. Takimi mes kreut të qeverisë shqiptare dhe Presidentit Obama do të zhvillohet në Shtëpinë e Bardhë.
Pjesë e takimeve do të jetë edhe zëvendës Presidenti amerikan, Joe Biden. Në këtë takim shefi i qeverisë shqiptare pritet të shoqërohet edhe nga ministrat Tahiri dhe Ahmetaj, transmeton Dita.
